ماكينة مكتبية صغيرة
Riva S
اختيار صغير للمكاتب ومساحات استقبال الضيوف.
المقاسات والتفاصيل
- عرض × ارتفاع × عمق
- 380 × 520 × 470 mm
- خيارات المشروبات
- 8
تأجير ماكينات قهوة باشتراك شهري في كل مصر
مكانك أحلى
بقهوة حلوة.
بيع القهوة بالكوب، أو ضيفها لخدمتك وقدّم باقة بسعر أعلى يناسب القيمة الجديدة. ماكينة بشكل عصري وإيجار شهري، مع صيانة ودعم تشغيل طول التعاقد.
- دخل من بيع القهوة
- قيمة أعلى لخدمتك
- إضافة عصرية لمكانك
هل المبيعات أو فرق سعر الباقة يغطّي الإيجار ويضيف عائد؟ جرّب أرقامك في الحاسبة.
اختار مشروبك وشوف التحضير.
Belluno، ماكينة القهوة المستقلة. عرض توضيحي مختصر لمراحل التحضير.
✓خدمة في كل محافظات مصر✓صيانة طول فترة التعاقد✓متابعة ودعم التشغيل✓قبول الأوراق النقدية المصرية
ركن قهوة شكله حلو.
وفرصة دخل مدروسة.
في السنتر التعليمي، الشركة أو الجيم، القهوة ممكن تكون خدمة الناس تدفع مقابلها، أو ميزة ترفع قيمة الباقة. نساعدك تختار التجهيز، وإنت تحسب العائد حسب الإقبال والتكلفة.
لفريقك
استراحة قهوة في مكان الشغل، من غير مشوار برّه.
لعملائك
ضيافة تكمّل تجربتهم، من الاستقبال لوقت الانتظار.
لنشاطك
بيع بالمشروب، أو قهوة ضمن الخدمة اللي بتقدّمها.
كل مكان له احتياجه.
نختار على أساسه.
عدد المستخدمين، ساعات العمل والمساحة. دي نقطة البداية لاختيار الماكينة.
قهوة قريبة من كل وردية.
في الشركات ومراكز الاتصال، وفّر القهوة لفريقك من أول اليوم لآخر وردية، من غير ما يحتاج يخرج من المبنى.
قبل ما نرشّحلك ماكينة
بنراجع الاستخدام المتوقع، المساحة، توصيلات المياه والكهرباء، واحتياجات التوريد والتشغيل.
الماكينة المناسبة
تبدأ من احتياجك.
من ماكينة مكتبية لحد Belluno المستقلة للبيع الذاتي. الاختيار حسب عدد المستخدمين، مساحة المكان وطريقة تقديم القهوة.
ماكينة مكتبية بموزّع أكواب
Riva M
اختيار للمكاتب مع موزّع أكواب أوتوماتيكي.
المقاسات والتفاصيل
- عرض × ارتفاع × عمق
- 380 × 620 × 585 mm
- خيارات المشروبات
- 8
ماكينة مكتبية أكبر
Bellini
ركن قهوة أكبر لمساحات العمل المشتركة والاستقبال.
المقاسات والتفاصيل
- عرض × ارتفاع × عمق
- 520 × 950 × 600 mm
- خيارات المشروبات
- 14
ماكينة مستقلة
Belluno
ماكينة بيع قهوة ذاتي تقبل الفلوس الورق المصرية.
المقاسات والتفاصيل
- عرض × ارتفاع × عمق
- 700 × 1830 × 770 mm
- خيارات المشروبات
- 14
الموديلات المعروضة من كتالوج Bohnen الحالي. يتم تأكيد التوفر والتجهيز وشروط التأجير في عرض السعر.
خدمة من أول اختيار
شغلك عليك.
والقهوة وصيانتها علينا.
نركّب الماكينة ونتابع صيانتها وتشغيلها طول فترة التعاقد. فريقنا معاك في كل محافظات مصر.
ضمان جودة القهوة
حبوب قهوة أصلية 100%
Bohnen موزّع ومشغّل مستقل معتمد لعلامة Dallmayr في مصر.
بنستخدم حبوب قهوة Dallmayr الأصلية، من غير بسلة محمصة أو نوى بلح أو أي بدائل لحبوب القهوة. جودة القهوة عندنا تبدأ من الحبوب نفسها.
اتعرّف على Dallmayrصيانة طول التعاقد
بنتولى صيانة الماكينة وإصلاحها طول فترة التأجير، بتفاصيل واضحة في عقدك.
متابعة التشغيل
من التجهيز وأول كوب، لمتابعة الأداء وحل مشاكل التشغيل. فريقنا معاك في كل خطوة.
خدمة في كل مصر
بنرتّب التركيب والمتابعة لمكانك في أي محافظة في مصر.
قولنا على مكانك
نشاطك فين؟ وكام واحد هيستخدم الماكينة؟ على الأساس ده نرشّحلك التجهيز المناسب.
اختار القهوة تشتغل إزاي
ضيافة لفريقك وضيوفك، أو بيع ذاتي بماكينة Belluno تقبل الفلوس الورق المصرية.
نركّب ونشغّل ونفضل معاك
نجهّز الماكينة، ونتابع الصيانة وكل تفاصيل التشغيل طول فترة التعاقد.
ضيافة لعملائك.
أو مبيعات لمكانك.
قدّم القهوة ضمن تجربة العميل، أو خلّي كل كوب عملية بيع. اختار النموذج المناسب لنشاطك، واحسب تكلفته قبل ما تبدأ.
- بيع مباشر بماكينة Belluno تقبل الأوراق النقدية المصرية.
- أو قهوة ضمن اشتراك النادي، الإقامة أو الخدمة اللي بتقدّمها.
- قارن العائد المتوقع بالإيجار والخامات وتكاليف التشغيل.
العائد بيتوقف على الطلب وسعر المشروب والتكلفة. جرّب أرقام مكانك في الحاسبة، وناقش تفاصيل العرض معانا.
هل الاشتراك مناسب لشغلك؟
بيع القهوة مباشرة، أو ضيف قيمتها لتجربة عميلك. جرّب أرقامك وشوف الفرق بعد الاشتراك وتكاليف التشغيل.
افتراض: كل الأكواب المدخلة يتم بيعها بالسعر المحدد.
اكتب الإيجار وتكلفة الكوب والسعر عشان تظهر النتيجة.
الرصيد الشهري التقديري
جنيه / شهر
- إيراد إضافي مفترض
- تكلفة المشروبات
- الإيجار والتكاليف الإضافية
تقدير للتخطيط، قبل الضرائب وأي تكاليف غير مدخلة. زيادة السعر أو المبيعات تعتمد على قبول العملاء. قيمة الضيافة ورضا الموظفين مش أرباح محسوبة هنا.
أسئلة غالبًا
في بالك.
الخدمة تأجير ولا شراء؟
الموقع ده يركّز على تأجير ماكينات القهوة والدعم. ابعت لنا احتياجك، ونوضح لك الأنظمة المتاحة والمدة والسعر في عرض مكتوب.
الصيانة مضمونة لحد إمتى؟
معاك في صيانة الماكينة ودعم التشغيل طول فترة التعاقد. العقد بيوضح إجراءات الخدمة وتفاصيل الخامات وقطع الغيار وترتيبات الاستجابة. التغطية مستمرة طول مدة التأجير.
التكلفة كام؟
السعر حسب الماكينة والموقع والاستخدام المتوقع والخدمة المتفق عليها. ابعت لنا تفاصيل بسيطة عن نشاطك عشان نتكلم في عرض مناسب.
الماكينة بتقبل فلوس ورق مصرية؟
أيوه. ماكينة Belluno تقدر تشتغل للبيع الذاتي وتقبل الفلوس الورق المصرية. الزبون يختار مشروبه ويدفع من الماكينة. بنوضحلك الفئات المقبولة وطريقة ضبط أسعار المشروبات وقت التجهيز.
بتخدموا أنهي محافظات؟
بنخدم كل محافظات مصر. قولنا محافظتك والمنطقة، ونرتّب معاك التركيب والمتابعة في مكانك.
المكان محتاج إيه للتركيب؟
مساحة كافية للماكينة، وكهرباء مناسبة، وترتيب مناسب للمياه. يتم مراجعة الوصول والتهوية ومساحة الخدمة قبل التركيب.
ركن القهوة الجاي
جاهز تضيف القهوة
لمكانك؟
كلّمنا عن نشاطك وموقعك. نساعدك تختار الماكينة، ونوضّحلك تفاصيل الاشتراك والخدمة.